Ayni damda Alisher Rahmatullaev 4ta bastakor bilan hamkorlikda ish olib bormoqda. Shuningdek, u yangi prodyuser bilan ish boshlagan. Biroq, Alisher bastakorlarni ham, prodyuserining ham ismlarini hozircha oshkor qilmoqchi emas. Bu xonanda bilan bog'liq bo'lgan barchani qiziqtiradigan mavzu albatta Alisher Rahmatullaevni ijodni tark etishiga majbur qilgan voqea! Bu voqea haqidagi hamma savollarga javobni esa Alisher yangi qo'shiq va unga ishlangan klip bilan javob berish uchun hozirlik ko'rmoqda. Shu sababdan ham voqeaga oid savollarga izoh berishdan bosh tortmoqda. Mazkur qo'shiq nomi va uning ijodkorlari bilan keyinroq tanishtirib o'tamiz. Shuningdek, xonandaning muxlislar uchun yangi yilga bag'ishlangan sovg'asi mavjud. Bu sovg'ani ham biroz kutishimizga to'g'ri keladi. Tez orada Alisher Rahmatullaevni yangi imij va yangi ko'rinishda ijodga qaytmoqda. Biz ham Alisher bilan ko'rishmaganligimiz sababli, uning yangi imiji qanday bo'lishini hozircha bila olmadik.
