"Akfa-media" kompaniyasi tomonidan o'tkazilgan 2009 yil avgust oyidagi tanlovda Ruhshona ham g'olib chiqqan. 1994 yil 21 mart kuni Toshkent shahrida tavallud topgan yosh qizaloq yoshligidan shou-biznes olamiga qadam qo'yishni orzu qilgan. Uning iqtidorini sezgan onasi Ruhshonani turli to'garaklarga topshirgan. Vokaldan tashqari Ruhshonada raqs va rassomchilik san'atiga ham qiziqish uyg'ongan. Uning adabiyotga bo'lgan qiziqishi rus tilida she'rlar yozishiga sabab bo'ldi. Bugun esa Ruhshona "Akfa-media" qoshida o'z orzusidek shou-biznes olamida faoliyat yurita boshladi.